എതിര്വാദം ലാ പായന്റ്
ഐന്സ്ററീന് വാലത്ത്
ഐന്സ്ററീന് വാലത്ത്
" യസ് യുവറോണര് - പ്രതിക്കൂട്ടില് നില്ക്കുന്ന എന്റെ കക്ഷീ, നിയമാനുസൃതം വിവാഹം കഴിച്ച സ്ത്രീയെക്കൂടാതെ, രണ്ടാമതൊരു സ്ത്രീയെക്കൂടി ഒപ്പം താമസിപ്പിക്കുന്നു എന്നും മൂന്നാമതൊരു സ്ത്രീയുമായി മോതിരം മാറല് ചടങ്ങു നടത്തിയെന്നും , നാലാമതൊരു പ്ലസ്- ടൂ വിദ്യാര്ഥിനിയുമായി അവിഹിതബന്ധം തുടങ്ങിയിരിക്കുന്നു, എന്നുമാണല്ലൊ പ്രൊസിക്യൂഷന്റെ വാദം? !
ഈ സാഹചര്യത്തില് എന്റെ കക്ഷിയുടെ സാംസ്കാരിക പശ്ചാത്തലത്തെക്കുറിച്ച് ഒന്നു രണ്ടു കാര്യങ്ങള് സൂചിപ്പിക്കുവാന് ബഹുമാനപ്പെട്ട കോടതി എന്നെ അനുവദിക്കണം.
താങ്ക്സ് യുവറോണര് , ഈ നില്ക്കുന്ന എന്റെ കക്ഷിയെ അറിയാത്തവരായി ആരുമേ ഈകേരളത്തിലുണ്ടാവില്ല. സുപ്രസിദ്ധ ടെലി- സീരിയല് അഭിനയ ചക്രവര്ത്തി, ഒരേ സമയം ആറു ജനപ്രിയ പരമ്പരകളില് നായകന് .
ശ്രീ മഞ്ജുനാഥ് - നാനൂറ് എപ്പിസോഡുകള് പിന്നിട്ട ഓട്ടുവിളക്ക് പരമ്പരയില് ഇദ്ദേഹം കൈകാര്യം ചെയ്യുന്ന ഹരീന്ദ്രന് എന്ന നായകകഥാപാത്രത്തിന് ഒരേസമയം രണ്ടു ഭാര്യമാരുണ്ട് പ്രസ്തുത സീരിയല് പ്രേക്ഷകലോകത്തിന്റെ ഹാര്ദ്ദമായ പ്രശംസ പിടിച്ചു പറ്റിയിരിക്കുകയാണ് എന്ന വിവരം ബഹുമാനപ്പെട്ട കോടതിയുടെ ശ്രദ്ധയില് പെടുത്തുകയാണ്. മറ്റൊരു പരമ്പരയായ 'വളപ്പൊട്ടുകളില് ' ഭാര്യ ജീവിച്ചിരിക്കെ ഭാര്യയുടെ അനുജത്തിയുമായി അവിഹിതബന്ധം പുലര്ത്തിയ പ്രഭ എന്ന കഥാപാത്രം ഈ വര്ഷത്തെ സംസ്ഥാന ദേശീയ തല പുരസ്കാരങ്ങള് നേടിയിട്ടുള്ള കാര്യവും ബഹുമാനപ്പെട്ട കോടതിയുടെ ശ്രദ്ധയില് പെടുത്തുന്നു. .ഭാര്യയ്ക്കും കാമുകിയ്ക്കും ഒപ്പം ഒരു ദരിദ്ര വിധവയ്ക്കും ഹൃദയം
പങ്കിടേണ്ടിവന്ന വിശാലഹൃദയനായ ദേവന് മാസ്റ്റരെ പ്രണയജ്വാലകളില് അവതരിപ്പിക്കുന്നത് ഈ എളിയ കലാകാരനാണ് . അദ്ദേഹത്തിന്റെ ബഹുഭാര്യാത്വവും പരസ്ത്രീസംഗംവും കലാലോകം സര്വ്വാത്മനാ സ്വീകരിച്ചിരിക്കുന്നു അംഗീകരിച്ചിരിക്കുന്നു.കലയില് അതാകാമെങ്കില് യഥാര്ത്ഥജീവിതത്തില് എന്തുകൊണ്ടായിക്കൂടാ , എന്നു ഞാന് ചോദിച്ചു പോവുകയാണ്. കല ജീവിതം തന്നെ എന്നല്ലെ മാരാര് പോലും പറഞ്ഞിടുള്ളത്? ഈ സാഹചര്യത്തില് നിരപരാധിയും നിര്ദ്ദോഷിയും നിഷ്കളങ്കനുമായ എന്റെ കക്ഷിയെ നിരുപാധികം വിട്ടയക്കണമെന്ന് ബഹുമാനപ്പെട്ട കോടതിയോട് താഴ്മയായി അഭ്യര്ഥിക്കുന്നു . ദാറ്റ്സ് ആള് യുവറോണര്.....
**************************